പനിയെ ചികിത്സിക്കാം.. വീട്ടിൽ തന്നെ.

 


പകർച്ച വ്യാധികൾക്കെതിരെ പൊരുതാൻ ചില പൊടിക്കൈകൾ

ആയുർവേദത്തിലെ ആന്റിബയോട്ടിക് ആണ് വില്ല്വാദി ഗുളിക. പനിയുള്ളവർ ഈ ഗുളിക തേൻ ചേർത്ത് രണ്ട് നേരം ഏഴ് ദിവസം കഴിച്ചാൽ മതി. പനി പന്പ കടക്കും. പനി വരാതിരിക്കാനും വില്ല്വാദി കഴിച്ചാൽ മതി. പിന്നെ പനിപ്പേടി വേണ്ട. എല്ലാ മഴക്കാല രോഗങ്ങൾക്കും പ്രതിരോധമായി ഈ ഗുളിക ഉപയോഗിക്കാം. ചുക്കും മല്ലിയും തുളസിയിലയും ചേർത്ത് കൊടുത്താൽ കുട്ടികളിലെ പനി മാറ്റാം. പനി വരാതിരിക്കാനും പനി വന്നവർക്ക് കുറയാനും നല്ല മരുന്നാണിത്. പനിക്കെതിരെ മറ്റൊരു നല്ല മരുന്നാണ് സുദർശനം ഗുളികകൾ. ഇവ രണ്ട് നേരം ഏഴു ദിവസം കഴിച്ചാൽ പനി മാറിക്കോളും. 20 മില്ലി ദശമൂല കടുത്രയം കഷായവും 30 മില്ലി വെള്ളവും ഒരു ടീസ് പൂൺ തേനും ചേർത്ത് ദിവസവും നാലു നേരം കുടിക്കുന്നതു മഴക്കാല രോഗങ്ങൾ മൂലമുണ്ടാവുന്ന ശരീര വേദനകൾക്കെല്ലാം നല്ലതാണ്. ചുക്കും, കുരുമുളകും തിപ്പലിയും ഒരു പിടി എടുത്ത് മൂന്ന് ഗ്ലാസ് വെള്ളത്തിൽ ചേർത്ത് തിളപ്പിച്ച് മൂന്ന് നേരം കുടിച്ചാൽ പനി മാറും.

കൊതുകോ... നോ ടെൻഷൻമനുഷ്യന്റെ ഏറ്റവും വലിയ ശത്രു ആരെന്ന് ചോദിച്ചാൽ ഇപ്പോൾ എല്ലാവർക്കും ഒരുത്തരമേ ഉള്ളൂ... കൊതുക്. മലമ്പനി , ഡെങ്കിപ്പനി, ചിക്കുൻഗുനിയ, മഞ്ഞപ്പനി, ജപ്പാൻ ജ്വരം, മന്ത് തുടങ്ങിയ രോഗങ്ങൾ മനുഷ്യരിലെത്തിക്കാൻ ഇവ വിചാരിച്ചാൽ സാധിക്കും. എന്നാൽ കൊതുകിനെ പന്പ കടത്താൻ ആയുർവേദത്തിൽ ഫലപ്രദമായ മരുന്നുകളുണ്ട്.

കർപ്പൂരാദി തൈലം: കൊതുക് കടിക്കാതിരിക്കാൻ കർപ്പൂരാദി തൈലം തേച്ചാൽ മതി. ഇനി കർപ്പൂരാദി തൈലം എവിടെ കിട്ടുമെന്ന് ആലോചിച്ച് ടെൻഷനടിക്കണ്ട. നമുക്ക് സ്വയം ഉണ്ടാക്കാവുന്നതേ ഉള്ളൂ. പൊടിച്ച കർപ്പൂരത്തിൽ തുളസിനീർ ചേർക്കുക. കർപ്പൂരാദി തൈലം റെഡി. ഇത് പുരട്ടിയാൽ പിന്നെ കൊതുക് കടിക്കില്ല.
അപരാജിത ധൂമ ചൂർണ്ണം: അപരാജിത ധൂമ ചൂർണ്ണം എല്ലാ ആയുർവേദ കടകളിലും കിട്ടും. ഇത് പുകച്ചാൽ കൊതുക് വരില്ല. പനി വന്ന ആളുകൾക്ക് ഇതിന്റെ പുക ശ്വസിക്കുന്നത് നല്ലതാണ്.

പറന്പിലെ കൊതുകിനെയും കൊല്ലാംകൊതുകിനെ കൊല്ലാൻ ഫോഗിംങ്ങ് നടത്താറില്ലെ. അതുപോലൊരു സൂത്രം ആയുർവേദത്തിലുമുണ്ട്. സോപ്പു പൊടി ഒരു ലിറ്റർ വെള്ളത്തിൽ കലക്കുക. ഇതിൽ 50 മില്ലി വേപ്പെണ്ണ ഒഴിക്കുക. ഇത് വീടിന് ചുറ്റിലും പിന്നെ പറന്പിലും തളിച്ചാൽ കൊതുകിനെ ഇല്ലാതാക്കാം. കരിനൊച്ചി ഇല, രാമതുളസി, കാട്ടുതൃത്താവ് എന്നിവ ചേർത്ത് കെട്ടി ജനലിനരികിൽ തൂക്കിയാലും കൊതുക് അകത്ത് കടക്കില്ല.